Savalimmiuni saaluallaajaasoqalerpoq
Umiarsuaq Europap kujasinnerusuani angalaqqammersoq, saaluallannik ulikkaarsimavoq.
Saaluallak arnaviaq mannilioriaannaq, nunamut ikaassinermi Savalimmiut nunataanut pisimaguni, sukkasoorujussuarmik saaluallappassuaqalersinnaavoq.
- Savalimmiuni ulluni makkunani kiattaqaaq, taamaattumik saaluaallaat amerleriapiloorsinnaapput, uumasuarsunnik ilisimasalik, Jens-Kjeld Jensen, nutaarsiassaqartitsivimmut Ritzauimut oqarpoq.
Saaluallaat ataasiakkaannguit Savalimmiuni siornatigut takuneqartarsimapput, silali Europap kujasinnerusuanit qiianarnerummat siaruaassimanatik.
Kisianni maanna ajornartorsiutinngorsinnaanerat aarleqqutigineqalerpoq. Ukiualunnguimmi matuma siornagut kiattup igutsai, Savalimmiuniilersut maanna ima amerlatigilersimapput, aasaanerani Torshavnimi ajoqutaasalersimaqalutik. Qeqertanilu allani takussaalersimanerat, naasoqarnermik allanngortitserujussuarsinnaasoq eqqoriarneqarpoq.
