Savalimmiuni qaqutigoortumik toqutsisoqarnera ukiuni 13-ini parnaarussaassutaasoq

Toqutsineq qeqertami Suduroyimi nunaqarfimmi Hvalbami siorna aggustimi pivoq.

Angutip 24-nik ukiullip 36-nik ukiulik savimmik aqqaneq-marloriarlugu kapoorsimagaa, unnerluussisussaatitaasup nutaarsiassaqartitsivimmut Ritzaumut ilisimatitsissutigaa.

Toqutaasup imminut illersoriarsinnaasimannginnera eqqartuussiviup aalajangiiniarnermini immikkut isiginiarpaa - taannami sinippoq aalakoorlunilu. Angut taamani 23-nik ukioqartoq aamma imigassartorsimavoq.

- Eqqartuunneqartup iliuuserisani nassuiarsinnaasimanngilaa. Unnerluussisussaatitaasulli  eqqartuunneqartup  kinguaassiuutimigut siornatigut atornerlugaasimanera illersuisuata tunngavilersuutigisimagaa oqaatigaa:

- Tamannali eqqartuussiviup eqqartuussinermini qajassuussinissaminut pissutissaqartissimanngilaa. Eqqartuunneqartormi toqutaasumit atornerlugaasimanngimmat.

Savalimmiuni ukiuni kingullerni 48-ni toqutsinerit taamaalilluni qulinngorput.

2012-imi 2013-imilu toqutsinerit marluusimapput, taakkulu sioqqullugit 1980-ikkunni kingullermik toqutsisoqarsimalluni.

/Ritzau/