Savalimmiuni namminersulerusuttut itigartinneqarput

marsip 30-at 2007 07:12

Savalimmiuni namminersulerniat partiiata Republikanerit Savalimmiut illersornissamut, sillimanissamut, nunanullu allanut tunngasunut akisussaaffimmik tigusinissaannik, taavalu nunani tamalaani inatsiseqarnikkut malittarisassat naapertorlugit, Savalimmiormiut namminneerlutik oqartussaassuseqalernerannik Naalagaaffiit Peqatigiinnut nalunaarutiginninnissamik, Savalimmiormiullu inuiattut ullorsiorneranni julip ulluisa 29-anni atuutilersussamik, Lagtingimi siunnersuutaat aalassatsitsisoq, amerlanerusuteqartunit itigartinneqarpoq.

Siunnersuummik itigartitsinermut tunngavigineqarput Savalimmiuni Namminersornerulernermik Inatsit kiisalu nunanut allanut tunngasunut oqartussaassuseqarnerulernissamik inatsisitaaq.