Savalimmiuni nalliuttorsiortut qamittoorput

Savalimmiormiut inuiattut nalliortorsiornerat ingerlaleruttorpoq, Olav norgemi kunngiusimasoq kristumiuussusermillu savalimmiunut eqqussisoq nalliuttorsiutigineqarpoq.

Taamaannerani ullaaq savalimmiut oqaluffissuani thorshavnimiittumi savalamimmiormiut nuimasut qallunaallu aallartitaat naalagissatileruttortut thorshavnip avannaani innaallagissiorfik ajutoorpoq taamaalillunilu nalliuttorsioqisut sarfaaruttoorluinnarlugit. Naalagialinnginnermi inatsisartuniit oqaluffimmut ingerlaarneq radiukkut tv-iikkullu isiginaarneqartartoq taamaalilluni malinnaaffigineqarsinnaajunnaarpoq.

Nunalerisut nersussuaamminnik immuiaasinnaasimanngillat, akunnerillu arfinillit taamatut nersussuannguakkuluit utaqqisimapput. Naalakkersuisut siulittaasuata Joannes Eidesgaard-ip oqalugialinnginnerani sarfaqaqqilerpoq, taamaalillunilu nalliuttorsiorneq inuinnaat akornanni qularnanngitsumik ingerlallualereersimasoq pisortatigoortumik ingerlaqqilerluni.

Nalliuttorsiorneq unnuap qeqqanut pingaarnerpaaffimminut piumaarpoq, savalimmiormiorpassuit tasiorlutik Thorshavnip qeqqani tigullutik qittatilillarpata.