Savalimmiuni Olajimik taallugu inuiattut juulip ulluisa 28-anni 29-annilu nalliuttorsiortoqarnerata kingorna tunillatsissimasut amerliartuleraluarput. Olajfestip kingorna coronamik tunillatsissimasut 115-it paasineqarsimasut kisitsisit nutaat takutippaat. Toqqorsivimmit assiAssi: EileenSanda / CC BY-SA (https://creativecommons.org/licenses/by-sa/4.0)

Savalimmiuni nakorsaaneq: Tunillatsissimasut nakkutigineqarsinnaapput

Savalimmiuni nuna tamakkerlugu Olajfestimik taaneqartartumik juulip naanerani nalliuttorsiortoqarnerata kingorna coronamik tunillatsissimasut 115-it paasineqarsimasut kisitsisit nutaat takutippaat.

Savalimmiuni coronamik tunillatsissimasut aqussinnaaneqaleriartorput. Savalimmiunili nakorsaanerup ernumanartoqarnera suli qaangerneqanngitsoq erseqqissaatigaa.

Savalimmiormiut Nutaasiassaqartitsivia taama allaaserisaqarpoq.

Kisitsisit kingulliit pingasunngornermeersuupput. Kisitsisit nutaanik pingasunik tunillatsissimasunik paasisaqartoqarsimasoq - sapaatillu akunnerata kingulliup ingerlanerani tunillatsissimasut amerlassusaat ikilisimasut takutippaat.

AAMMA ATUARUK Savalimmiuni coronamik tunillaassuuttoqartoq

Savalimmiut coronamik tunillatsissimasoqanngikkaluarpoq, Savalimmiunili tunillatsissimasut 38-t aggustip ulluisa arfernanni paasineqarput. Tamanna qaffariarnerujussuuvoq.

Nunatsinni mattussimasoqassallunilu misissortittoqassasoq

Savalimmiuni nakorsaanerup, Lars Fodgaard Møllerip oqarnera naapertorlugu tunillatsissimasut ullormi ataatsimi paasineqartut aatsaat taama amerlatigipput.

Savalimmiuni Olajimik taallugu inuiattut juulip ulluisa 28-anni 29-annilu nalliuttorsiortoqarnerata kingorna tunillatsissimasut amerliartuleraluarput. Olajfestip kingorna coronamik tunillatsissimasut 115-it paasineqarsimasut kisitsisit nutaat takutippaat.

- Nunap immikkoortuani tunillatsissimasut siaruaattoqartoq takusinnaavarput, kisianni aamma tunillatsissimasut ikiliartorput, tamanna nuannaarutigaarput. Aammattaaq savalimmiormiut pissutsit ilungersunartumik tigullugit mianersortut kisitsisit takutippaat, nakorsaaneq, Lars Fodgaard Møller Savalimmiormiut nutaarsiassaqartitsivianut oqarpoq.

AAMMA ATUARUK Malittarisassat nutaat: Savalimmiunit nunatsinnut angalasunut killilersuisoqaqqilersoq

Savalimmiuni inuit 900-it sinneqartut angerlarsimaffimminni maanna mattusimapput.

Savalimmiuni sapaatip-akunnerata siuliani tunillaassuuttoqarnerulernera pissutigalugu Norgep Savalimmiunut angalanerit innersuussutigiunnaarpai.

Naalakkersuisut Savalimmiunit angalasut sapaatini akunnerni marlunni mattusimassasut imaluunniit nunatsinnut tikinnerminnit ullut tallimat qaangiunneranni misissortittassasut marlunngormat aalajangerpaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat