Assi: Begemot/Flickr Commons

Savalimmiuni naartuersittarnermut inatsit pillugu danskit isornartorsiorneqartut

Savalimmiuni naartuersittarneq Danmarkip atuutsilersissinnaagaluarpaa, taamaalioranili. Politikerit taamaalillutik arnap timiminut nammineq oqartussaaffiginissaaniit Naalagaaffeqatigiinnermi misigisimalluarnissaq pingaartinnerugaat, Dansk Kvindesamfund isornartorsiuivoq.

Danskit politikeriisa Donald Trump sakkortuumik isornartorsiorpaat nunani ineriartorfinni suliniaqatigiiffinnut arnat naartuersinnissaannut tapersersuisunut tapiisarunnaarmat. Arnalli politikerit taakkorpiaat akueraat naalagaaffeqatigiiffitsinni Savalimmiuni arnat suli killilersugaanngitsumik naartuersissinnaannginnerat!

Dansk Kvindesamfundimi tamanna assut mamiatsaatigineqarpoq, politikerillu mamianartuliornerarlugit.

- Europami nunat allat arfineq pingasut peqatigalugit oqaraanni arnap timini nammineq akisussaaffigigaa ataqqinarpoq. Uagulli immitsinnut qiviartariaqaraluarluta taamaaliunngilagut. Isivut matuinnarpavut, tamannalu ajorluinnarpoq, Dansk Kvindesamfundimi siulittaasoq Lisa Holmfjord Radio24Syvimut oqarpoq.

- Allaanngivippoq danskit naalakkersuisuisa Naalagaaffeqatigiinnermi misigisimalluarnissaq pingaartinnerugaat, arnap nammineq timiminut akisussaaneraniit, taanna oqarpoq.

Socialdemokratit Savalimmiut pillugit oqaaseqartartuat Karin Gaardsted isumaqarpoq, Danmark savalimmiormiut inatsisilerinerannut qalliuniarluni akuleruttariaqanngitsoq, tassani innuttaasut naartuersittarnermut inatsimmik qanganisarsiortumik illersuitillugit.

-  Killilersugaanngitsumik naartuersissinnaaneq Savalimmiunut atuutsilersikkusukkaluaqaara - aatsaalli savalimmiormiut tamanna namminneq kissaatigilerpassuk, taanna Radio24syvimut oqarpoq.

 

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat