Savalimmiuni kommuninut aqagu qinersissapput
Nutaarsiassaqartitsivimmit Ritzauimit nalunaarutigineqarpoq, Savalimmiormiut arnartaat maanna aatsaat taama amerlatigisut qinigassanngortittut.
- Qinigassanngortittut 40 procentii arnaapput. Aatsaat taamak amerlatigalutik. 2004-mi kingullermik kommunimut qinersisoqarmat arnat qinigassanngortittut 33 procentiinnaapput, taama oqarpoq Beinta Jákupsstovu, Savalimmiormiut kommunimut qinersisarnerannik ilisimatusarsimasoq.
Ilisimatusartut aamma oqaatigaat, kommunini politikeritoqqat amerlasuut qinigassanngorteqqinngitsut, taamaattumillu nutaanik borgmesterinngortoqarlunilu kommunalbestyrelsinut ilaasortaanik nutaanik qinigaasoqassajunnarsisoq.