Timersornermi aaqqissuussat isiginnaartoqarlutik aallarteqqissinnaasut, Savalimmiuni naalakkersuisut siulittaasuata Bárður á Steig Nielsenip sisamanngornermi akueraa.Assi: A Silly Person/flickr

Savalimmiuni isikkamik arsaattartut isiginnaartoqarlutik unammeqqittalissasut

Savalimmiuni isikkamik arsaalluni sapaatit akunnerata naanerani aappassaanik unammeqqittoqarpat isiginnaartoqarsinnaavoq.

Isikkamik arsaattartut Europami nunani assigiinngitsuni coronap ajornartoortitsinera pissutigalugu uninnganerat eqqarsaatigalugu Savalimmiuni sapaatit akunnerata siuliani unammeqqittoqalermat oqallisigineqaqaaq.

Isiginnaartoqarani unammeqqittoqalerpoq, tamannali sapaatit akunnerata naanerani allanngortinneqalerpoq.

Timersornermi aaqqissuussat isiginnaartoqarlutik aallarteqqissinnaasut, Savalimmiuni naalakkersuisut siulittaasuata Bárður á Steig Nielsenip sisamanngornermi akueraa.

Savalimmiuni nutaarsiassaqartitsivik KVF ilaatigut taama allappoq.

AAMMA ATUARUK Tuluit ministeriat: Timersorneq ammaqqinniarniarparput

Coronavirusilli siaruatsaaliornissaa pillugu innersuussutit aamma saqqummiunneqarumaarput.

Savalimmiuni coronavirusimik toqquteqartoqarnikuunngilaq, tunillatsissimasunillu nassaartoqaqqissimanngitsoq sapaatit akunnerata naanerani nalunaarutigineqarpoq.

Isikkamik arsaannermi Europami nunani assigiinngitsuni unammeqattaarnerit isiginnaartoqaratik aallarteqqingajalerput.

Tysklandimi Bundesliga arfininngornermi aallarteqqissaaq, Danmarkimilu Superliga maajip ulluisa 28-anni aallarteqqissalluni.

Isummersuutit