Savalimmiuni inuit marluk toqunartutorsimapput
Inuit marluk savalimmiuni savap neqaa tisanagu panersiaq toqunartunissimammat napparsimavimmut unitsinneqarsimappput. Savalimmiuni savap neqaa tisanagu panersiaq nerisanaajuvoq mamarineqarluartoq, taratsernagu pujoornaguluunniit quini panerserneqartarpoq. Qaammatit arlallit nivingatinneqarpoq panertinneqarluni nerineqariaannanngortinneqarluni, ukiorpassuarnilu savalimmiormiut nerisannaarisimallugu savap neqaa tisanagu panersiaq uunnagu siannaguluunniit nerineqartarpoq.
Savap neqaa panersiaq toqunartunissimasoq, inuillu marluk napparsimalissutigisimasaat, Danmark-imi inuussutissat pillugit qullersaqarfimmut nassiunneqarsimavoq. Savap neqaa tisanagu panersiaq, panertulineqarnissaminut nivinngarneqaqqammernerani ullut siulliit kiatumiissimasinnaanera toqunartunissimaneranut patsisaasorineqarpoq.
Savalimmiuni nakorsaaneq Høgni Debes Joensen, rtizaumut oqarpoq ukiuni kingullerni 20-ini savalimmiuni toqunartunissimasunik nerisimasut arfineq marluk naammattorneqarsimasut, taakkunannga marluk toqusimallutik.
