Savalimmiuni inatsisartuni ilaasortat arnartaat marloriaammik amerlipput
Socialdemokratit Sambandspartiiet Folkeflokkenilu inatsisartuni 20-inik ilaasortaatitaqalerput. Savalimmiuni inatsisartunut ilaasortat 33-iupput.
Naalakkersuisuit siulittaasuata Joannes Eidesgaardip partiia Socialdemokratit ilaasortaatitaat ataatsimik ikiliariarput, taamaattorlu partiit naalakkersuisoqataasut allat marluk oqaloqatigineqarnissaat Joannes Eidesgaardip pisariaqartillugu oqaatigaa
Høgni Høydalip partiia Republikanerit procentitigut siuariaraluarni inatsisartuni ilaasortaatitaat arfineq pingasuullutik alannguuteqanngillat, naalakkersuisooqataanissaminnillu suliniuteqarniarlutik ilungersorniarput.
Savalimmiuni inatsisartunut qinersinerup kingorna ilaasortat allannguuteqangaatsiarput, arnat ilaasortaatitat marloriaammik amerleriarput, pingasuusimagaluarlutik arfineq marluk inatsisartuni ilaasortanngorput.