Savalimmiuni Ilinniartitaanermut kultureqarnermullu naalakkersuisoq nutaaq

Savalimmiuni nutaamik naalakkersisoqalissaaq. Kultureqarnermut Ilinniartitaanermullu naalakkersuisunngortussaq tassaavoq Òluva Klettskard republikaanerineersoq, taassumap taaserpaa, Kristiana Hàfoss nutaarsiassaqartitsivik Ritzaup taamatut allaaserisaqarpoq.
Allattoq Jaaku Lyberth
aggustip 31-at 2008 13:52

Savalimmiuni naalakkersuisoqatigiit ikinnerussuteqarlutik naalakkersuisuusut qaammatini kingullerni aalassassimaarput.

Immap iluatigut sulluliorniarneq aalisagartassiissutillu naalakkersuisooqatigiinni isumaqatigiinngissutaapput.

Naalakkersuisooqatigiillu arlaleriarlutik ajalusuungajattarlutik.

Naalakkersuisooqatigiit namminersorniat partiiannik tapersersorteqarlutik ingerlaqqipput, savalimmiuni naalakkersuisut siulittaasuat Joannes Eidesgård taamak nalunaarpoq.

Savalimmiuni naalakkersuisut aatsaavissuaq ikinnerussuteqarlutik naalakkersuisuutitaqalerput.