Savalimmiuni ikinnerussuteqartumik naalakkersuisuutitaqalerput
Savalimmiuni partiit pingasut tassa Socialdemokratiit, Republikanerit aammalu Centerpartiit partii ikinnerussuteqartoq Selvstyreparti naalakkersuisooqatiginiarlugu akuersissutigaat.
Immap naqqatigut sullorsualiornissaq 700 mio. koruuninik nalilik isumaqatigiissutigiunnaarlugu sapaatip-akunnera kingulleq Savalimmiuni naalakkersuisut isumaqatigiikkunnaarput taamalu amerlanerussuteqarunnaarlutik.
Illuatungeriit maanna isumaqatigiissutigaat aningaasanut inatsit 2009-moortoq suleqatigiissutigissagitsik. Taamatuttaaq naatsorsuutigaat lagtingimut qinersisoqareernerata kingorna naalakkersuisooqatigiilersut suliassatut isumaqatigiissutigisimasaasa amerlanersaat naammassiniarumaaritsik.
Naalakkersuisunut ilannguterlaap Selvstyrepartiip siunissami siunnersuutigisarumaagassatik tigulluarneqartarumaartut neriuutigaat, taamalu Lagtingimut isertitatik inuit marluusut pingaarutilinnut inissinneqarumaarnissaat aamma neriuutigaat.