Naalli ullut marluk ingerlaneranni tunillatsissimasut 16-it paasineqaraluartut savalimmiormiut naalakkersuisuisa Savalimmiuni coronamik tuniluunneqaqqaalermatulli inuiaqatigiinni mattussivittoqarnissaa pinaveersaarniarpaat.Assi: Ina Fassbender/AFP/Ritzau Scanpix

Savalimmiuni coronamik tunillaassuuttoqartoq

Savalimmiuni coronavirusimik apriilimili tunillatsittoqarsimasoqanngilaq. Tunillatsissimasulli amerlassusaat maanna amerliartoqqilerput.

Savalimmiuni coronavirusimik tunillatsissimasut ullut marluk ingerlanerannni 16-iusimapput. Savalimmiuni naalakkersuisut taama nalunaaruteqarput, virusillu siaruatsaaliornissaa pillugu innuttaasunut assigiinngitsunik maanna innersuussuteqalerlutik.

Ilaasartaatinut ilaasut bussertullu tamarmik qanermut assiaqusersimassapput, soorlu aamma inuit amerlasuut katersuuffigisaanniikkaanni anersaartuutinut illersuuteqarnissaq innersuussutigineqartoq.

Imerniartarfiit neriniartarfiillu unnukkut nalunaaqutaq qulinut matusarnissaat kaammattuutaavoq, festivalertitsinerillu tusarnaartitsinerillu kinguartinneqanngikkuni taamaatiinnarneqarnisssaat oqartussanit innersuussutigineqartoq:

AAMMA ATUARUK Savalimmiut Kalaallit Nunaannut juunip ulluisa 15-ianni ammaqqilersoq

- Tunillatsinnginnissamut innersuussutit suunersut puigorsimavarput. Pissutsit aaqqiivigineqartariaqarput. Tamannalu iluatsissimanersoq sapaatip-akunnera ataaseq qaangiuppat paasiumaarparput, Savalimmiuni nakorsaaneq, Lars Fodgaard Møller, Savalimmiuni nutaarsiassaqartitsivimmut oqarpoq.

Coronavirusip Savalimmiuni juulip ulluisa 28-ani 29-iannilu inuiattut nalliuttorsiortoqarnerata nalaani, tassa Olaj-ertoqarnerata nalaani, tuniluutilersimanissaa ilimagineqartoq, nutaarsiassaqartitsiviup allaaseraa.

- Inuiaqatigiit matunaveersaassavagut, ulluinnarnimi inuunitsinnut aningaasarsiornitsinnullu sunniuteqangaatsiarpoq. Nappaatip tuniluunnera sapinngisamik pakkersimaarniarlugu arlaatigut iliuuseqartariaqarpugut, Savalimmiuni naalakkersuisut siulittaasuat Bárður á Steig Nielsen Savalimmiuni nutaarsiassaqartitsivimmut oqarpoq.

AAMMA ATUARUK Savalimmiuni coronavirusimik tunillatsissimasut 187-it peqqissisut

Savalimmiunut angalanermi innersuussutit allanngortinneqaratik oktobarip ulluisa 31-ata tungaanut atuutsinneqarput.

Naalli ullut marluk ingerlaneranni tunillatsissimasut 16-it paasineqaraluartut savalimmiormiut naalakkersuisuisa Savalimmiuni coronamik tuniluunneqaqqaalermatulli inuiaqatigiinni mattussivittoqarnissaa pinaveersaarniarpaat.

Inuit Savalimmiunukartut tamarmik tikinnginnerminni oktobarip 31-at ilanngullugu Covid-19-imut misissortissimassapput, tikereernerullu kingorna ullut arfinillit qaangiutereerneranni misissorteqqittassallutik. Savalimmiuni naalakkersuisut taama innersuussuteqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat