Savalimmiuni Biskoppi nutaaq

Savalimmiormiut nutaamik biskopertaarput, biskopinninngortoq tassaavoq Jogvan Fridriksson 50-inik ukiulik.

Biskoppinngorniarnermi taasinikkut ingerlanneqartumi unammillertiminik marloriaammik taaguunneqarneruvoq.

Jogvan Fridriksson novemberip 25-ani Torshavnip oqaluffissuani biskoppitut ivertinneqassaaq, decemberillu aallaqqqataani biskoppi Hans Jacob Joensen, nammineq tunuarniuteqarsimasoq taarsissallugu.

Biskoppinngortussaq Århusip Universitetiani Cand. Theol-itut soraarummeeruteqarpoq ukiullu 15-nit kingulliit inuuffimmini Strendur-imi palasiulluni.

Jogvan Fridriksson biskoppinngoruni Savalimmiuni ilaagiinni Danmarkimi ilagiinnut atanngitsumi biskoppinngussaaq.

Savalimmiut inuiattut ulluanni julip 29-ani savalimmiormiut immikkut ilagiittut ingerlalerput, taamaalillutillu nammineq ilageeqarnermut aningaasartuutit tamaasa aningaasartuutigisalerlugit.