Savalimmiormiut aqagu landstingemut qinersissapputAssi: Anton Gundersen Lihn

Savalimmiuni aqagu landstingimut qinersisoqassaaq

Savalimmiuni inatsisartunut aqagu qinersisoqassaaq. Qinersisartut isumasiorneqarneranni Savalimmiuni socialdemokraatit Javnaðarflokkurin siuaqqavoq.

Gallup Føroyarip qinisisartunik isumasiunera naapertorlugu Savalimmiuni socialdemokraatit partiiat Javnaðarflokkurin naalakkersuisut siulittaasorisimasaannik Aksel V. Johannesenimik siulittaasuuffigineqartoq savalimmiuni qinigaanerpaassangatinneqarpoq qinersisartut 26 procentiannik qinigaanissaa ilimagineqarmat, savalimmiuni tusagassiorfik Kringvarp taama allaaserisaqarpoq.  

Partiit talerperliit taakkua taaguuteqarput  Fólkaflokkurin aamma Sambandspartiet kinguariassangatinneqarput.  

Iisumasiuinerit eqquutissappata, Savalimmiuni politikikkut ingerlatsinermi allannguisoqassaaq.

Savalimmiuni inatsisartunut qinersinissaq  novemberip ulluisa arfine pingajuanni nalunaarutigneqarpoq,  savalimmiuni naalakkersuisunut  siulittaasoq  Bárður á Steig Nielsen taanna partiimi talerperlerneersoq, nunanullu allanut tungasunut kultureqarnermullu naalakkersuisoq  Jenis av Rana isumaqatigiikkunnaarmata.

Taamanikkut Jenis av Rana oqarpoq, Danmarkimi ministeriunermik sueqatiminoortumik tapersersuisinaannani, tassani konservatiivit siulittaasuat Søren Pape Poulsen pigunarlugu. 

Taamani naalakkersuisut siulittaasuata Jenis av Rana mianersoqqussumik  tunivaa.  

Jenis  av Rana mianersoqqussummik tunineqareeraluarluni arnat arnaqattiminnik inooqateqartut anaanaaqataasutut oqaluffiup allattorsimaffianut allassimasinnerat tassuma itigartitsissutigaa. 

Ulloq taanna Jenis av Rana taassumalu partiia Midterpati naalakkersuisoqatiigiinit tunuarput, amerlanerussuteqarunnaarlutillu. 

Savalimmiut inatsisartuini 33-nik inissaqarpoq.  Partiit arfineq marluk qineqqusaarput. 
 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl