Savalimmiuni aningaaserivik Danmarkimi annertusaanialerpoq
Savalimmiormiut aningaaseriviat Føroya Banki, maanna Danmarkimi annertusaanialerpoq. Danskit aningaaserivii ingerlanerliortut ilaatigut aningaaseriviup pisiariniarpai, kiffartuuttakkamilu amerleriarujussuarnissaat upperalugu, Børsenimi taama allaaserinnittoqarpoq, Børsenimi taama allaaserinnittoqarpoq.
Danskit aningaaserivii amerlasuut maannakkorpiaq ajornartorsiorput, tamannalu Danmarkimi immikkoortortaqarfinnik ammaanissamut kiffartuussassanillu pissarsinissamut Føroya Bankip atorumagaa, aningaaseriviup pisortaa Jakob Wester oqaluttuarpoq.
Danskit aningaaseriviinut amerlasuunut sanilliullutik Grønlandsbankip aamma Savalimmiormiut aningaaseriviata aningaasarliorneq ajorpallaanngitsumik qaangerpaat. Danmarkimili Føroya Bankimisulli immikkoortortaqarfittaarnissani Grønlandsbankip pilersaarutiginngilaa.
- Immikkoortortaqalernissatsinnik pilersaaruteqanngilagut, kontunilli erniaqqortuunik nutaanik Nunatsinni Danmarkimilu massakkorpiaq tuniniaavugut, Grønlandsbankimi inunnut sullitanut pisortaq, Peter Petersen oqarpoq.
Kontut erniaqqortuut nutaat aqqutigalugit, Kalaallit Nunaanni sullitaqalernissaq Grønlandsbankip neriuutigaa, Danmarkimilu najugalinnik, Kalaallit Nunaannut attuumassuteqartunik aamma sullitaqalernissartik neriuutigalugu.
