Savalimmiuni aningaasarsiorluarput
Savalimmiormiut aningaasarsiornerat ingerlalluarpoq, piffissami kingullermi ima ineriartortigaluni Europami ineriartornerpaatut nalilerneqarluni.
Aalisakkat akigissaarnerat aalisakkanillu tukertitsiviit ajornartorsiorunnaarnerat, Savalimmiut aningaasarsiorluarnerannut pissutaanerpaapput.
Aningaasarsiorneq ingerlallualeraluartoq siunissaq eqqumaffigineroqqullugu Savalimmiuni aningaaserivik innuttaasunut inatsivoq.
Uuliap akitsoraluttuinnarnerata aalisartunut kingunissai tamatumalu saniatigut sanaartornermi sulisussaaleqisarneq sanaartukkanut akitsorsaataasartoq aamma eqqumaffigeqquneqarpoq. Aamma Savalimmiormiut ukioqqortusiartornerat inunnik isumaginninnikkut aningasartuutit amerliartornerannik kinguneqartussaq eqqumaffigeqquneqarpoq.
Siorna aningaasanut inatsissaq 300 millioni koruunik amigartooruteqarfiusoq akuersissutigineqarsimammat Savalimmiuni naalakkersuisut amigartooruteqarlutik ingerlatsinerat taamasilluni pissusissamisoortuunnginnerarlugu Savalimmiuni aningaasaateqarfik uparuaavoq.
