Savalimmiuni angut 19-inik anguteqatiminoortartumik qunusaarisimasoq
Savalimmiuni angut 19-inik ukiulik angummik anguteqatiminik atoqateqartartumik qunusaarisimanini pillugu ulluni 40-ini parnaarussivimmiittussanngortinneqarpoq.
Torshavn-imi imerniartarfiit ilaani angutip 19-inik ukiullip angut anguteqatiminik atoqateqartartoq akornusersorsimavaa, naggataatigullu tiggussimallutik.
Tamatuma kingorna 19-inik ukiullip angut anguteqatiminik atoqateqartartoq sianerfigisimavaa toqunniarlugulu siorasaarsimallugu.
Piffissami sivisuumi aalassassimaarutigineqartumillu Savalimmiuni oqallisigineqangaatsiarpoq angutit anguteqatiminnik atoqateqartartut taakkualu pisinnaatitaaffii. Oqalinnermi ilaatigut sammineqarpoq, biibil-i malillugu arnaqatigimminik anguteqaminnillu atoqateqartarneq pissusissamisoornersoq
Savalimmiuni inatsisartut assigiinngissitsinnginnissamik inatsit aalajangiiffigalugu atortussanngortippat tassanilu anguteqatiminnik arnaqatigimminnillu atoqarteqartartut pisinnaatitaaffii ilanngunneqarlutik.