Savalimmiuni akuutissat

Nioqqutissani ulluinnarsiutini, soorlu aalisakkani, sialussiutini pizzat puuini alumiiniuni, allaallumi imermi nalinginnaasumi akuutissat meeqqat nappaatinut tunillannartunut akiuussutissaat ajoqusertarpaat. Aviisimi Politikenimi tamanna ippassaq allaaserineqarpoq.

Meeqqat savalimmiormiut, tamarmik ukioq 2.000-ip missaani inunngorsimasut, 431-t, misissuivigineqareersullu, paasissutissat taakku ilisimatuussutsikkut atuagassiami, Environmentral Healthimi, saqqummiunneqarput.

Akuutissat fluorinik taaneqartartut pineqarput, meeqqallu, soorlu noqartarnermut diftiritisitiritisimullumullu akiuussutissamik kapitissimasut, akiuussutissaat annikillisarput.

- Akuutissat taakku timip nappaammut akiuussutissaanut qanoq sakkortutigisumik sunniuttartut takugatsigu uppiinnangajappugulluunniit, ilisimatusartut ilaat, Philippe Grandjean, aviisimut Politikenimut oqarpoq. Taanna nakorsaatinik avatangiisinut ajoqusiisinnaasunik Syddansk Universiterimi ilisimatusartut pisortaraat.

Meeqqat savalimmiormiut 431-t ukiup 200-ip missaani inunngorsimasut, ilisimatusartut eqimattat malittarisimavaat. Akuutissap dioxinip, savalimmiormiut nerisaasa pingaarnerit ilaanni niisarnaniittup, sunniutigisinnaasai navianartut, misissornissaat aallaqqaammut isumaasimagaluarpoq.

Akuutissalli fluoritallit sunaaffa dioxinimit ajornerujussuusut. Meeqqat 431-nit misissorneqarput, taakkulu quliugaangata ataaseq arfineq-marluk missaannik ukioqaleraangami noqartoornissamut diftititisimullu akiuussutissaarutingajavissimasarput, akiuussutissaalluunniit ima annikitsigilersimasarluni, noqartooraluaruni diftiritisileraluaruniluunniit akiuussutissaarussimasarluni.

Meeqqalli nappaatinik toqussutaasinnaasunik taakkunannga nalaataqarsinnaanerat ernumassutigissallugu suli siusippallaarpoq, meeqqammi tamangajammik akiuussutissamik kapitinnikuupput. Timerpummi allanik aamma illersuuteqarpoq.

- Avatangiisilli timip nappaammut akiuussutissaanut taama sunniuteqartigisinnaammata ilisimassallugu pingaaruteqarpoq, ernumanartoqartorujussuullunilu, Philippe Grandjean aviisimut Politikenimut oqarpoq.

Syddansk Universitetimi ilisimatusartut naatsorsimavaat, fluor naliliussaq, timip nappaammut akiuussutissaanut ajoqutaalissanngippat, qanoq annertutigisoq Europami qaangeqqusaannginnersoq, taannalugooq 100-riaammik 1.000-ileriaammillu qaffasippallaarpoq. Tamanna tuaviornerpaamik appartittariaqarpoq, Philippe Grandjean aviisimut Politkenimut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat