Savalimmiuni aallaasersortoq tigummigallagassanngortinneqarpoq
Savalimmiuni unnerluussisut Twitterikkut taama ilisimatitsipput.
Angut aallaaneqareernermi kingorna ikilerneqarpoq, tunngavisumillu inatsit naapertorlugu killisiuisoqalermat peqataasinnaasimanngilaq.
Peqqissippalli tassa nutaamik eqqartuussisoqalerpat nassuiaanissaminut periarfissinneqassaaq.
Politiit ataasinngornermi unnukkut nalunaaqutaq arfineq marlunut tanneq tallimanngortoq qeqertamut Vàgarimut aggersarneqarput, tamatumalu kingorna paasineqarpoq, angut najukkaminiittoq timmiarsiummik imminut toqunniarluni siorasaarisoq.
AAMMA ATUARUK Angut savalimmiuneersoq politiinut eqqaassisoq aallaaneqartoq
Angutip 35-nik ukiullip illumit anillatsinnissaa anguniarlugu politiit ilaqutaasut attaveqarfigaat, politiineersorlu ataaseq pisup nalaani isumaqatiginniartussatut aggersarneqarluni.
Angutilli tassanngaannartumik timmiarsiummik illuminit politiit tungaannut eqqalerpoq, politeerlu ataaseq annikitsumik eqqorneqarpoq, tamatumalu kingorna politiit angut allaavaat, kingornalu paasineqarpoq angut eqqorneqarsimasoq.
Angut aallaaneqartoq qanoq annertutigisumik ikilerneqarsimanersoq ilisimatitsissutigineqanngilaq, marlunngornermili inatsit tunngaviusoq naapertorllugu killisiuinermi peqataasinnaasimanngilaq.