Savalimmiuni aalisakkanik suliffissuaq ajornartorsiorpoq

Ukiuni kingullerni annertuunik nalilinnik aningaasaliisimaneq ingerlatsinerminilu amigartooruteqartarnerit pissutaallutik suliffeqarfik 560 millioner koruuninik akiitsoqalerpoq.

Immikkut ittumik ippassaq unnukkut ataatsimeersuarnermi siulersuisuusut tunuartinneqarput, siulersuisuinilu ilaasortat nutaat sisamat, aqutsisut peqatigalugit suliffeqarfiup siunissaa aaqqinniarlugu sulissapput.

Pissutsit allanngortinneqarnissaat pisariaqarluinnarpoq ilungersunarlunilu, Savalimmiuni aalisakkanik suliffissuarmi P/F Faroe Seafood-imi siulersuisuni siulittaasutut qinigaarlaaq Richard Mortensen oqarpoq. Aalisakkanik suliffissuaq aalisakkanik 300.000 tonsinik oqimaasusilinnik ukiumut suliaqartarpoq aalisakkerisullu 700 –it missaanniittut sulisorineqarlutik.

Aalisakkanik suliffissuaq ingerlaannassappat, suliffeqarfik ikinnerpaamik 60 millioner koruuninik aningaasaliiffigineqartariaqarpoq, Savalimmiuni radio tusarliivoq.