Savalimmiormiut unittooqqapput

Savalimmiuni anorersuartoqarnera pissutaalluni unittooqqasoqarpoq. Nutaarsiassaqartitsivik Ritzau taama allaaserinnippoq. Atuarfiit matoqqapput, bussit ingerlaanngillat, ikaartaatillu qeqertanik akornanni angallannermut atorneqartartut aamma ingerlaaratik.
Allattoq Mads Lynge
oktobarip 28-at 2008 05:13

Nunaqarfiit eqqorneqarput, soorlu aamma illoqarfiit pingaarnersaat Thorshavni eqqorneqartoq. Aputeqarpallaarnera pissutaalluni bussit ingerlasinnaanngillat, timmisartuussinerillu aamma unitsinneqarlutik.

Silallu taamaaginnarnissaa Savalimmiormiut ilimagisariaqassavaat. Silamik nalunaarut naapertorlugu anoraa suli sakkortuseriassangatinneqarami.