Savalimmiormiut silarlussiortitaaqqilerput
Savalimmiormiut sapaatip akunnerata siuliani aamma silarlussiortitaapput, aseruatiterfioqisumik. Aseruatitertulli tamakkiisumik suli iluarsaanneqanngitsut kingumut aseruatitertoqarluni.
Anori sekundimut meterit 50-it pallittarlugit sakkortutigaaq. Tamanna pissutigalugu bussit angallassinngillat, bussit igalaavi aserorneqartarsimammata.
Immakkut angallassineq aamma eqqugaavoq, timmisartullu Savalimmiunukartut arlallit Norgimut Islandimullu ingerlaannaqquneqartarsimallutik.
Sapaatip akunnerata siuliani anorersuallarmat aseruatitertut ilanngullugit ullumikkut aseruatitertut nalingi tamakkiisumik suli nalilerneqarsinnaanngillat, Savalimmiunilu oqartussat aningaasartuutissaat annertussusilerneqarsinnaanatik.