Savalimmiormiut qinersilersut
- Namminersorneq pillugu qineqqusaartoqarpallaanngilaq, namminersulivinnissamik anguniangaqarlutik qineqqusaartut qineqqusaarnermi malunniuteqanngitsoorput, inuiaqatigiit pillugit ilisimatooq, Jógvan Mørkøre oqarpoq.
Qineqqusaartulli isumaginninnermut tunngasut qineqqusaarnerminni oqallisigingaatsiarpaat.
Utoqqalinersiallit atugarisaat, pissakinnerusut atugarissaarnerulernissaat, peqqinnissaqarfik ilaqutariinnermullu politikkimi meerartaarnermut atatillugu sulinngiffeqartarnerit qineqqusaartunit sammineqarluarput.
Isumasiuinerit Gallup-imit ingerlanneqartut takutippaat, partiit qinersinermi lagtingimut isertui kingullermi qinersinermisulli isikkoqaannassasut.
Partiit pingasut angisuut naalakkersuisuutitaqartut, Socialdemokratit arfineq marlunnik, sambandspartiit arfineq pingasunik kiisalu folkeflokken arfinilinnik isertitaqassasut ilimagineqarpoq.
Illuatungiliuttut Republikaneriusut partiillu mikinerit allat marluk Centerparti kiisalu selvstyreparti katillugit aqqaneq marlunnik isertitaqassasorineqarput.
