Savalimmiormiut niisartortarnerat milliartorpoq
Ukiuni 100-linni niisarnaq Savalimmiuni piniagassatut assorsuaq pingaaruteqarsimavoq, ukiunili kingullerni arferit kviksølvimik PCB-millu akoqarnerat pissutigalugu pingaartumik arnat inuillu inuusukaajunerusut neqimik mamartumik taassuminnga piumajunnaariartuinnarsimapput.
Augustimi ukioq ataasinngussaaq Savalimmiuni peqqinnissakkut oqartussaasut inassutigimmassuk avatangiisini toqunartut amerlaqisut pissutigalugit niisarnartortarneq unitsilluinnartariaqartoq. Inassuteqaateqartuupput ilaatigut nakorsaaneq Pal Weihe, taassumalu nalunaaruteqarnerup iluaqutaasimanera nuannaarutigaa.
- Naalakkersuinermik suliallit niisarnarniartarnermut tamanut atuuttumik inerteqquteqalissagaluarpata, taava unioqqutitsilluta piniartalissaagut. Isumaqarpunga Savalimmiormiut nerisannaavi allanngortinniaraanni pitsaanerpaasoq taakkua eqqarsartarnerat aqqusaaraanni. Tassa imaappoq qanoq ataqatigiissoqartarnersoq nassuiaallugit, taamaalillutik namminneq sorleq malittarissanerlugu eqqarsaatigilluarniassammassuk. Tassami tamanna taakkununnga pitsaanerpaavoq, nakorsaaneq Pal Weihe oqarpoq.
Savalimmiuni misissuinerit ersersippaat toqunartut ilaatigut Parkinsonimik nappaateqalernissamut, aammik qullartoornermut taqqatigullu kalkeqalernissamut qaninnerulersitsisartut kiisalu silaqassutsimik annikillisitsisarlutik.
