Savalimmiormiut niisarnarniartuarsinnarput
Aviisi Dimmalætting inunnik nalinginnarnik apersuisimavoq, paasinarsisimavorlu niisarnarniartarnerup inatsisitigut inerteqqutaalernissaa Savalimmiuni Lagtingimi ilaasortat tamarluinnangajammik akerlerigaat.
Savalimmiormiut niisarnap neqaanik, mattaanik orsuanillu nereqqusaajunnaarnissaat politikerit aamma inerteqqutiginianngilaat.
Niisarnat kviksølvimik toqunartortalimmillu PCB-mik akoqarnerujussuat, taamaammallu savalimmiormiut tamakkutornaveersaassasut, Savalimmiuni peqqinnissamut oqartussaasut sapaatip akunnerani uani siusinnerusukkut saqqummiukkaluarpaat, neqaannik orsuinillu nerineq navianaqimmat.
Niisarnartorajuttut sajunnermik nappaateqalersinnaapput, aavat qaffasippallaalersinnaavoq, taqqanik qerattartoorsinnaapput kinguaassiorsinnaanerallu annikillisinnaalluni.
Taamaakkaluartoq Savalimmiuni politikerit qanoq iluuseqarumangillat - qanoq iluuseqassagunik peqqinnissamut tunngasunik paasitinneqarnerunissartik kissaatigaat.
