Savalimmiormiut niisarnarniartarnerat malinnaavigineqassaaq

Savalimmiormiut inatsisinik unioqqutitsinatik niisarnarniartarnersut qulakkeerniarlugu Danmarkimi politiit immikkut sungiusakkat, sakkutuullu imarsiortut Savalimmiunukartinneqarsimapput.
Allattoq Ritzau
juulip 26-at 2014 14:17

Uumasunik illersuiniaqatigiiffik Sea Shepherd aatsaat taama sakkortutigisumik paasisitsiniaaleruttorpoq - Operation Grindstop 2014-imik taallugu paasisitsiniaaleruttorluni. Savalimmiormiut niisarnanik toqoraannginnissaat anguniarpaat, Savalimmiormiummi niisarnat 1100-t pisarivaat, Sea Shepherdillu tamanna pinngitsoortinniarpaa.

Niisarnat ungoorlugit kangerlummut pulatinneqartarput, tassanilu toqunneqartarlutik, Sea Shepherdilli arfannianik akornusersuiniarpoq, akunnermiliunniarsariniarami. Savalimmiuni politiit Danmarkimit ikiorneqarnissartik taamaammat noqqaassutigisimavaat:

- Nunami immamilu suligasursinnaanissarput qulakkeersimavarput, sakkutuut isertortumillu paasiniaasartut PET ikiortiseralutigit, Savalimmiuni chefpolitikommissæri Peter Thaysen nutaarsiassaqartitsivimmut Ritzauimut oqarpoq.

Sakkutuut imarsiortut umiarsuarmik Savalimmiunukartitsipput, politiillu immikkut sungiusakkat aamma Savalimmiunukartinneqarsimallutik.