COP21 Savalimmiormiut peqataanissamut aalajangiinissartik kinguartippaat

Silap pissusaa pillugu Parisimi isumaqatigiissut, Naalagaaffiit Peqatigiit New Yorkip qullersaqarfianni, tallimanngorpat persuarsiornartumik malunnartinneqarpat danskit nukissiuuteqarnermut silallu pissusaa pillugu ministeriat atsioqataassaaq. 

Silap pissusia pillugu nunani tamalaani isumaqatigiissutaasoq Nunatta peqataaffiginianngikkaa ippassaq nalunaarutigineqarpoq. 

Aamma atuaruk Vittus: Silap pissusia pillugu isumaqatigiissut Nunatsinnut pitsaasuunngilaq

Taamatullu aalajangiinerup nunatsinni aatsitassarsiornikkut ukiuni aggersuni pilersaarutinik piviusunngortoqarsinnaaneranik ilimasunneq tunngaviusoq, naalakkersuisup Vittus Qujaukitsup tunngavilersuutigaa.

Tassalu ilaatigut tamannarpiaq pissutaalluni, Parisimi isumaqatigiissummut nunatta peqataannginneranut.

Savalimmiormiut isumaqatigiissummut peqataanissaminnut suli aajangersimanatik KNR-imut nalunaarutigaat, aalajangiinissamullu kinguartitsinertik ima tunngavilersorpaat:

-  Avatangiisinut mistereqarfiup isumaqatigiissut ajunngitsumik isumaqarfigaat. Kisiannili aalajangiinissamut suli piareersarluni, ministereqarfilli suli inerniliinngilaq, Gunnar Holm Jacobsen oqarpoq.

Naalagaaffeqatigiinni ilaasut qassit isumaqatigiissummut peqataassanersut suli nalunarpoq, Savalimmiormiumi akuersissanerlutik suli aalajanginngimmata.