Savalimmiormiut inuiattut ullorsiorsuaarput

Savalimmiormiut illoqarfinnit nunaqarfinnillu assigiinngitsunit illoqarfiit pingaarnersaannukaarrapput.

Taakku ilarpassui savalimmiormiutut inuiattut atisalersorsimassapput - aqqusinermilu pingaarnermi ingerlatillutik ikinngutitik ilisarisimasatillu ilassisarlugit, minnerunngitsumillu ileqqutoqartik naapertorlugu Thorshavnip aqqusernini tasiorlutik qittatissapput.

Tasiorrattorsuulluni qittannissaq unnugu annerusussaavoq, tassami Thorshavnimi borgmesterip Heðin Mortensenip Guinness rekordbogimut ilanngunnissamik misiliisoqarnissaa aalajangiussimammagu.

Savalimmiormiut tasiorrattorsuullutik qitillutik skotlandimiut rekordiliinerat qaangeriartussaavaat.

Skotlandimiut tasiorrattorsuullutik qitinnermi juunimi rekordiliipput, maannali Guinnes Rekordbog nalunaarfigineqareerpoq, savalimmiormiut ullumikkut tasiorrattorsuulluni qitinnermi rekordiliisinnaanertik nunarsuarmiunut takutinniaraat.

Savalimmiormiut 12.000-it missaasa, tassa innuttaasut 25 procentiisa, peqataanissaat borgmesterip naatsorsuutigaa.

- Savalimmiormiut skotlandimiut ajugaaffigisinnaagaat qularinngilara, rekordiliinerullu ukiorpassuarni atuunnissaa qularutiginngilara, borgmester Heðin Mortensen neriulluaqaluni Fótatraðk Newsimut oqarpoq.