Savalimmiormiut imartaani uuliasiorniarput
Allattoq Mads Lynge
Qilleriviliaq kingusinaartumik naammassineqassagunaraluartoq Savalimmiuni aasaanerani uuliasiornissaq Tuluit uuliasioqatigiiffiata British Petroleum-ip, naatsunngorlugu BP-p, pilersaarutigivaa.
Uuliasiorfissap nalaani silarluttaraluaqisoq uuliasiornissamut BP piareersimanerarpoq. Uuliasioqatigiiffiit allat marluk suleqatigalugit uuliasiortoqassaaq, ukiaanerani ukiuuneranilu uuliasiortoqassammat.
Uuliasiorfissaq tassaavoq Williamsbrønden, Savalimmiut imartaata kujasip-kippasissortaaniittoq.
Ukiut arfinillit ingerlanerini tallimariarluni uuliasiortoqartarsimagaluarpoq, iluatsitsiffiunngitsumilli.