Savalimmiormiut filmiliaat Cannesimi nersornaaserneqarpoq
Filmiliat naatsut taakkununnga ilaapput. Savalimmiormiup Andrias Høgennip filmiliaa "Ikki illa meint", "Ikke ondt ment", pingasunngornermi nersornaaserneqarpoq.
Arnat Savalimmiuneersut marluk Danmarkimi pisiniarfiit ilaanni Føteximi naapinnerat kingunipiloqartoq filmiliami naatsumi qitiuvoq.
Inuit attaveqaqatigiittarfiini asissuinerit anisitaanerlu filmiliami pingaarnertut sammineqarpoq. Arnap Savalimmiormiup ikinngutini Facebookiminit peersimavaa, Føteximilu naapimmata tamanna pillugu assortuutilerlutik.
Filmiliortoq Andrias Høgenni Danmarkimi Savalimmiunilu filmiliorusuppoq. Danmarkimi pisiniarfiit ilaanni Føteximi filmiliornissani taamaammat tunuarsimaarfiginngilaa.
- Filmilianik nazistinik inuttaqanngitsunik Tysklandimiut filmiliorusuttartut, kalaallillu qajartaqanngitsunik nannutaqanngitsunillu filmiliorusussinnaasut, uaguttaaq unammilligassaqarpugut, Andrias Høgenni atuagassiamut filmilianik allaaserinnittartumut Filmmagasinetimut oqarpoq.
- Savalimmiuni pinngortitaq tv-kkut pauseskærmitut ilaatigut atorneqaannartartoq isumaqarpunga. Inuit uanga pingaartinneruakka, pinngortitarsuaanngitsoq, Høgenni oqarpoq.
