Danmarkip pisortaqarfiisa savalimmiormiut erfalasuata nunattalu erfalasua Savalimmiut nunattalu ulluanni amusassagaat, Lars Løkke Rasmussenip Danmarkimi ministeriunermini 2018-imi atuutilersippaa.Assi: Simon Uldum

Savalimmiormiut erfalasuat Danmarkimi aammaartumik piffissaanngitsukkut amuneqartoq

Danmarkimi pisortaqarfiit arlallit savalimmiormiut erfalasuat inuiattut ullorsiorneranni, Ólavsøkami, amuneqartartoq ukiut pingatserlugit piffissaanngitsukkut amuaat.

Savalimmiormiut erfalasuat Merkiðimik taaguuteqartoq Københavnip Universitetiata silataanni ataasinngormat amuneqarpoq. Sermitsiaq.AG taama allappoq.

Savalimmiormiut inuiattut ullorsiorfiat, Ólavsøka, juulip ulluisa 29-anni nalliussineqartartoq, ataasinngormat juunip ulluisa 29-anni nalliussineqartussatut ullorsiutini allassimavoq.

Danmarkimili pisortaqarfiit kukkuluttorput. Savalimmiormiullu erfalasuat Danmarkimi piffissaanngitsukkut amuneqarnera siullermiilinngilaq.

AAMMA ATUARUK Namminersorlutik Oqartussat inatsisitaarfimmi erfalasulinngitsoortut

Savalimmiormiummi erfalasuat, Merkið, Danmarkip pisortaqarfiisa silataanni 2018-imi 2019-imilu aamma piffissaanngitsukkut amuneqarpoq.

Tamanna ajorluinnartoq, Folketingemi ilaasortaq Savalimmiuni socialdemokraatit paartiat Javnaðarflokkurinimeersoq, Sjúrður Skaale, isumaqarpoq.

- Danmarkimi pisortaqarfiit savalimmiormiut erfalasuata isikkua imaluunniit savalimmiormiut inuiattut ullorsiorfiata ullua pillugit ukiut tallimat ingerlaneranni pingajussaanik kukkuluttussutigaat. Kanngutsinnarlunilu soqutigittaanneruvoq, Sjudur Skaale Sermitsiaq.AG-imut oqarpoq.

Taanna tamatuma kingunerisaanik danskit naalakkersuisuinut sisamanik apeqquteqarpoq.

Danmarkip pisortaqarfiisa savalimmiormiut erfalasuata nunattalu erfalasua Savalimmiut nunattalu ulluanni amusassagaat, Lars Løkke Rasmussenip Danmarkimi ministeriunermini 2018-imi atuutilersippaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat