Savalimmiormiut CTD-mut misissortissinnaalerput
Nappaat (Carnitin Transporter Defekt) savalimmiormiut akornanni atugaavoq toqussutaasinnaasarlunilu.
Savalimmiuni innuttaasut nappaammut misissorneqarnissaat Savalimmiuni periarfissaavoq, savalimmiormiullu Kalaallit Nunaanni najugallit assinganik peqqinnissaqarfimmit neqeroorfigineqarsinnaanngortut, Namminersorlutik Oqartussat nalunaarput.
Misissorneqrnissamik neqeroorut Savalilliormiumit Nuummi najugaqartumit nuannaarutigineqarpoq :
- Assut nuannaarutigaara aamma misissortinniarlunga aalajangerpunga, tassami nalunagu savalimmiormiuulluni ernumanarnermut, naak itisuumik tigunngikkaluarlugu, 44-nik ukiulik Jakob Trondheim taama oqarpoq.
Taanna angajoqqaani tamarmik Savalimmiormiuusut ilagalugit nunatsinnut ukiut 40-t matuma siorna nuuppoq.
Neqeroorfigineqartut tassaapput Savalimmiormiut Kalaallit Nunaanni najugallit, 1985 sioqqullugu inunngortut, angajoqqaavilu illugiillutik savalimmiormiuusut. 1985–ip kingorna inunngortut, misissortissimanerminnillu nalornissuteqartut, peqqinnissaqarfimmut saaffiginnissinnaapput.
Aaversinnikkut misissugassat Statens Serum Institutimut nassiunneqassapput.