- Nammineq akiliisinnaalluarpugut. Nunatut siuarsagassaanngilagut, innuttaasunut siunnersuuteqartoq Carl Jóhan Jensen oqarpoq.Assi: KNR/Anton Gundersen Lihn

Savalimmiormiut coronamut akiuussutissat namminneq akilerusukkaat

Danskit naalagaaffiata coronamut akiuussutissat Savalimmiunut tunniunneqartut akilerpai, tamannali allanngussasoq savalimmiormiup innuttaasunut siunnersuutigaa.

Savalimmiormiut coronamut akiuussutissat namminneq akilerusuppaat.

Savalimmiormiut coronamut akiuussutissat namminneq akilerusullugit, innuttaasut 200-t siunnersuuteqarlutik maannamut atsiorput.

Kristeligt Dagblad taama allappoq.

Danmark akiuussutissanut aningaasalersuisuuvoq.

- Naalagaaffeqatigiiffiup akiuussutissanut aningaasaliisuunera kanngunartuusoraara. Tassa imaappoq, danskit innuttaasuisa akileraartartui akiliipput, uagullu Savalimmiormiut danskinut akileraartarata.

- Nammineq akiliisinnaalluarpugut. Nunatut siuarsagassaanngilagut, innuttaasunut siunnersuuteqartoq Carl Jóhan Jensen oqarpoq.

AAMMA ATUARUK Peqqissutsimut ministeri: Tamat coronamut akiuussutissamik neqeroorfigineqassapput

Kræftimut akiuiniarnermi aningaasat katersat allallu akiuiniarnermi Danmarkip katersorsimasaasa nalingi danskinut utertinneqassasut, taassuma peqatigiiffiata aamma siunnersuutigaa.

Coronamut akiuussutissat Savalimmiunut tunniunneqartut maannamut 7 millionit nalingi danskit naalagaaffiannit akilerneqarput.

Danmark akiuussutissanik aningaasalersuivoq, akiuussutissalli angallanneqarnissaannut akiliineq ajorpoq.

AAMMA ATUARUK Første person død med covid-19 på Færøerne

Savalimmiuni innuttaasut coronamut januaarip ulluisa 15-ianni akiuussutissinneqaqqaartut 2663-iupput.

Savalimmiuni innuttaasut 52.000-it missaanniipput, taakkunanngalu 5 procentiisa missaat kapitillutik.

Savalimmiuni coronamik tunillanneqarsimasutut nalunaarsorneqarnikut katillutik 652-iupput.

Nunamilu tassani coronamut attuumassutilimmik toqquteqarsimasutuaq januaarip ulluisa tallimaanni toquvoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat