Savalimmiormiut amerliartortut
Savalimmiuni innuttaasut amerlassusaat siullerpaamik 50.000-init amerlanerulerput. Nunamut nussortoqarnera nunamillu aallartoqartarnera tamatumunnga pissutaanerpaavoq.
Allattoq Anton Gundersen Lihn
apriilip 10-at 2017 06:42
Nutserisoq Simon Uldum -
Nittartagaq Sermitsiaq.AG taama allaaserisaqarpoq.
Savalimmiuni naatsorsueqqissaartarfiup Hagstova Føroyap nalunaarsugaani kingullermi takuneqarsinnaavoq innuttaasut amerlassusaat ukioq manna apriilip aallaqqaataani 50.030-iusut.
Hagstova Føroya allappoq innuttaasut amerliartornerat ingerlaannassanersoq nalunartoq, innuttaasulli amerliartornerannut Savalimmiunit Savalimmiunullu nuuttoqartarnera pissutaanerpaasoq.
Savalimmiunit nunanut allanut nuuttut 1980-imiilli aatsaat taama ikitsigipput, tamatumunngalu peqatigitillugu nunani allani ukiuni arlalinni najugaqareersimallutik Savalimmiunut utertut amerliartorlutik, naatsorsuinerni tamanna atuarneqarsinnaavoq.
