Savalimmiormiut akisussaaffeqarnerulerput
Statsministeri Anders Fogh Rasmussen, Savalimmiunilu naalakkersuisut siulittaasuat Joannes Eidesgaard, Savalimmiut akisussaaffeqarnerulernissaat pillugu Københavnimi ullaap tungaa atsioqatigiipput.
Danmarkimi naalakkersuisut isumaqatigiissuteqarfigeqqaarlugit suliassanik siornatigut tigusisoqartarsimavoq.
Savalimmiut inatsisartuini, Lagtingimi amerlanerussuteqartoqarpat akisussaaffinnik tigusisalerneq pisinnaanngussaaq.
- 1948-mili namminersornerunerup eqqunneqarneraniilli aatsaat taama malunnaatilimmik alloriartoqarpoq, Joannes Eidesgaard oqarpoq.
Namminersornerunerup inatsisaanni suliassat ilaatinneqartut saniatigut, inatsisip nutaap Savalimmiormiut periarfississavai suliassanik nutaanik tigusisinnaanissaat.
Eqqartuussisoqarneq inatsisilerinermullu tunngasut, soorlu pinerluutillit suliarineqartarnerat, inunnut ataasiakkaanut, ilaqutariinnullu inatsisit, kiisalu kingornussisussaatitaanermut inatsisit nutaat akisussaaffigineqalissapput.
Inatsisit nutaat Savalimmiormiunut allanik periarfissiissanngillat, uani pineqarput eqqartuussiviit qullersaat, nunanullu allanut politikkeqarneq.
