Savalimmiormiut aamma misissuiffigineqarusupput
Danskit naalakkersuisuisa kilitsissiaqarfiup CIA-p parnaarussanik timmisartuussisarsimaneranik misissuinissaanni Savalimmiut aammattaaq ilanngunneqassapput, qeqertat taamatut atorneqartarsimanersut uppernarsaatissanik saqqummersoqassappat
Allattoq Elisa Isaksen
Danskit naalakkersuisuisa savalimmiormiu Folketingimi ilaasortaq Edmund Joensen neriorsorpaat Savalimmiut silaannartaa aqqusaarlugu kilitsissiaqarfiup CIA-p timmisartuussisarsinnaanera misissuinissami pisussami ilanngunneqarumaartoq.
Aammattaaq Edmund Joensen VK-mi naalakkersuisooqatigiit misissuisoqarnissaanik siunnersuutaa akuersaassallugu neriorsuivoq, Folketingi aqagu pingasunngornermi kilitsissiaqarfiup CIA-p parnaarussanik timmisartuussisarneri oqallisaaqisut oqaluuserilerpagit.