Savalimmiormiut aalisarnermut attuumassutilinni sulisartut ikiligaluttuinnarput

Savalimmiuni aalisarneq inuutissarsiutini suli pingaarnerugaluartoq, savalimmiormiut aalisarnermut attuumassutilinni inuutissarsiutini sulisartut ikiligaluttuinnarput.
oktobarip 11-at 2007 12:30

Savalimmiuni naatsorsueqqissaartarfiup kisitsisaatai kingulliit naapertorlugit savalimmiormiut amerliartuinnartut allaffimmiutut, niuertarfimmiutut imaluunniit angallassisartutulluunniit sulerusunnerupput. Peqataanik aalisakkererusuttut ikiliartorput.

Savalimmiuni sulisartut quliungaangata arfineq aappaat avillugu kiffartuussivinni sulisarput. Ukiut 17-it matuma siorna taakku 58 procentiuluarput.

Naatsorsueqqissaarnermi paasineqarpoq angutit aalisakkerivinni aalisartutullu sulerusukkunnaariartortut. Aalisakkerivinni aalisartutullu sulisartut kiffartuussivinni namminersortunut ukiuni makkunani noorarput.

Savalimmiuni arnat qissimikkaanni, amerliartortut aalisakkerivinni suliumaneq ajorput. Arnat kiffartuussivinni namminersortuni sulerusuttut aamma amerliartorput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq