Savalimmiormiut aalisagalerngusaannerat danskit naalakkersuisuinut ilungersunartorsiortitsivoq

Makrel-inik aalisagartassiisarneq assortuussutaariarluni maanna aamma amassassuarnik aalisagartassiisarneq assortuussutaalerpoq
juunip 12-at 2013 08:40

Savalimmiormiut aalisagalerngusaannerat Danmarkimi naalakkersuisunut saaffissaarutsitsivoq.

Makrelinik pisassiisarneq siullermik assortuussutigineqarpoq, ammassassuarniarnerlu maanna assortuussutigineqalerpoq.

Silap pissusaata allanngoriartornerata aalisakkat aalisakkat amerlassusaasa allanngorsimanerat, aalisakkallu nuussimanerat, innersuussutigalugu, Nunanut Atlantikup Avannaaniittunut allanut naleqqiullutik Savalimmiut amerlanernik imminnut pisassipput, tamannalu Nunat Atlantikup Avannaaniittut akuersaarusunngilaat. Taamaammat Nunamut Atlantikup Avannaani sanilerisatsinnut pillaatissiiniarluni EU maanna ilimasaarivoq.

Savalimmiut EU-mut juunip qiteqqunnerani akissuteqarnissaminnut periarfissinneqarput, Savalimmiuni aalisagalerngusaannerup Danmarkimi naalakkersuisut saaffissaarutsippallaannginnerini.
Niuerneq pillugu Savalimmiunut pillaaniarnermut Danmark taaseqataanngilaq, Naalagaaffeqatigiinneq innersuussutigalugu. Danmarkimi inuussutissaqarnermut ministeri, Mette Gjerskov, pisumut isumasioqatigiinnissamut aggersarneqarpoq. Taassuma suli neriuutigaa. isumaqatigiinniarnissaq aaqqiivigineqarsinnaassasoq.

Savalimmiormiut Folketingimut ilaasortaatitaat, Edmund Joensen, Danmarkimut kaammattuivoq:

- Naalagaaffeqatigiinneq illersortariaqarparput, mattussineq Savalimmiunut ilungersunassammat. Takorloorsinnaanngilara savalimmiormiut aalisagaataannik Danmarkimi umiarsualivinnut tulaasseqqusaajunnaarneq Danmarkip akuersaarsinnaanaagaa, Edmund Joensen aviisimut Jyllands-Postenimut oqarpoq.

Danmarkimi aalisartut peqatigiiffiata Danmark ilutigalugu kimigiiserfigaat Savalimmiunut pillaatissiiniarnermut tapersersuieqqullugu, Savalimmiuni aalisapilunneq unitsinneqarniassammat.