Savalimmiormiup FCK pokalinnatsippaa
Danmarkimi arsaannermi ullumi FCKøbenhavnip aamma FCVestsjællandip pokalinnanniunnerat pissanganartorsiorfioqisoq Savalimmiormioq ajugaatitsisoralugu naammassineqarpoq.
Allattoq Elisa Isaksen
maajip 14-at 2015 17:09
FCVestsjælland ajorsartussatut naatsorsuutigineqartoq akiuullualaavippoq arsaannerullu immikkoortua siulleq naammassimmat 1-0-imik siuaqqalluni.
Arsaannerup immikkoortuata aappaani FCK saassussisaqattaalerami sivitsunngitsoq 2-1-imik siuarpoq.
FCVestsjællandip isertitseqqinneratigut pokalinnanniunnermi naligiiginnarmata unammineq sivitsorneqarpoq.
Taama pisoqarmat Savalimmiormiu 19-inik ukiulik Brandur Olsen FCK-meersoq pingaarnerpaatut inissippoq.
Unamminermi minutsit 102-t ingerlareersut Savalimmiormiu arsaatillaqqissorsuaq taanna ungasianiit isertitseriarami torrallavillugu isertippaa taamalu FCK-p Europami holdinut unammisaqattaarnerni peqataasinnaanera qulakkeerlugu.
