Savalimmiormiu 14-inik ukiulik puulukit nappaataannik tunillatsissimavoq

Nukappiaraq 14-inik ukiulik savalimmiormiu H1N1-mik, puulukit nappaataannik aamma taaneqartartumik, tunillatsissimavoq. Aviisimi Århus Stiftstidendemi taama allaaserisaqarput.
juulip 25-at 2009 16:57

Nukappiaraq arsaattartoqatinilu Århusimi Football Festival Denmarkimi peqataapput. Savalimmiormiu eqqissisimaqquneqarpoq, inimilu kisimiittariamiitinneqarluni, festivalimilli aaqqissuisut oqarnerat naapertorlugu, nukappiaraq Savalimmiunut ataasinngorpat angerlartinneqassagunarpoq, arsaattartoqatini, sungiusaasuni angajoqqaanilu peqatigalugit.

Nukappiaqqap nukappiaqataatalu allap nappaammik H1N1-imik tunillatsissimasinnaanerat ippassaq pasitsaanneqarpoq. Taakku nakorsamit misissorneqarput, nukappiaqqallu aappaa tunillatsissimasoq paasineqarluni, aappaali ajoquteqanngitsoq aamma ilisimatitsissutigineqarpoq.