Savaatillit unioqqutitsisumik savarniartoqarneranik unnerluuteqartut
Piniartut savarniartartut savat nujuartatut naatsorsuutigalugit aallaaniarsimanerannik nassuiaateqarneq atorsinnaanngitsoq, savaatillit peqatigiiffianni, SPS-mi, siulittaasoq oqarpoq.
- Taanna aallaavigalugu qisuariarpugut savaatigisat tamarmik pigineqarmata. Nujuartanik taaneqarsinnaanngimmata, taamak piniartarneq unitsinneqarluinnartariaqarpoq, siulittaasoq, Otto Nielsen oqarpoq.
AAMMA ATUARUK Panernersuaqartarnera savaatilinnut ajornartorsiortitsivoq
Taanna piniartut savarniartut pillugit arlaleriarluni ilisimatinneqarpoq.
- Savat inuussutissarsiutigineqarmata innimigineqartariaqarput, siulittaasoq oqarpoq, ilisimatitsissutigalugulu unioqqutitsisumik savarniartut politiinut unnerluutigineqassasut.
Unioqqutitsilluni savarniarneq akiliisitsinermik kinguneqartartoq politiit ilisimatitsipput.
