- Erseqqippormi aammalu uppernarsarneqareerpoq nunamit uranitalinnit piiaanissat naasorissaanerullu iluani nioqqutissiornerit sanileriillutik ingerlanneqarsinnaanngitsut, ICC Narsami savaatillit sinnerlugit allappoq. Aatsitassarsiortoqalersaarnera suliniaqatigiiffik Urani Naamimmit aamma ernummatigineqarpoq. Toqqorsivimmit assi

Savaatillit suliniaqatigiiffillu Kuannersuarni aatsitassarsiortoqalersaarnera ernummatigigaat

Narsami innuttaasut Greenland Mineralsip Kuannersuarni aatsitassarsiulersaanera ernummatigaat. Greenland Mineralsimi saffiugassanik qaqutigoortunik uranimillu tassani piiaarusuppoq.

Aatsitassarsioqatigiiffiup, Greenland Mineralsip, Kuannersuarni aatsitassarsiorfiutini pillugu avatangiisinut sunniutigisinnaasaanik naliliinermut missingersuusiatut nalunaarusiani saqqummiutingajalerini nalunaarutigaa. Saffiugassanik qaqutigoortunik uranimillu tassani piiaarusuppoq.

Tamannali Narsami innuttaasunit ernummatigineqarpoq, tassanimi savaatillit suliniaqatigiiffillu Urani Naamik aatsitassarsiortoqalersaartoqarneranut akerliupput.

- Erseqqippormi aammalu uppernarsarneqareerpoq nunamit uranitalinnit piiaanissat naasorissaanerullu iluani nioqqutissiornerit sanileriillutik ingerlanneqarsinnaanngitsut.

AAMMA ATUARUK Greenland Minerals: ASN-iliavut naammassingajalerpavut

ICC Narsami savaatillit sinnerlugit tusagassiorfitsigut nalunaarummini taama allappoq.

Kuannersuarnimi aatsitassarsiortoqalissappat, savaatillit inuussutissanik pilersueqataanermik siunissami innarlerneqarsinnaanerat ernummatigaat.

ICC naapertorlugu savaatillit ivigaqarfittat narsaatimillu qinngornernit navianartunit mingutsinneqarnissaat ernummatigaat.

Suliniaqatigiiffik Urani Naamik paasissutissiisoqartariaqarsorinnittoq

Aatsitassarsiortoqalersaarnera suliniaqatigiiffik Urani Naamimmit aamma ernummatigineqarpoq.

Ingallutik aatsitassanut naalakkersuisup, Vittus Qujaukitsup (NQ) aatsitassarsiortoqalersaarneranut tapersiinerminik qanittukkut nalunaaruteqareersorlu ernumalerput.

Suliniaqatigiiffik Urani Naamik isumaqarpoq, Kuannersuarni aatsitassarsiorfimmik pilersitsinerup kinguneri pillugit paasissutissiisoqartariaqartoq.

- Aallartissagaluarunimmi uagut ulluinnarni inuunitsinni peqqissusitsinnut, pinngortitatsinnut avatangiisitsinnullu qanoq sunniuteqarsinnaanera ullumikkumut suli iluamik ilisimatitsissutigineqarnikuunngimmat, suliniaqatigiiffik Urani Naamimmi siulittaasoq, Mariane Paviasen, oqarpoq.

Naalakkersuisulli ernumasunut suli akissuteqanngillat.

Aatsitassarsioqatigiiffiup Greenland Mineralsilli Kuannersuarni aatsitassarsiorfiutini pillugu avatangiisinut sunniutigisinnaasaanik naliliinermut nalunaarusiaata inaarsarneqarnissaa utaqqimaartuarsinnaritsik ilisimatitsissutigaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat