Savaatillit piginneqatigiilluni toqoraavinnik pilersitsiniarput

Neqi A/S-imut taarsiullugit piginneqatigiilluni toqoraavinnik pilersitsinissaq periarfissaasinnaasoq, kujataani savaatillit isumaqarput.
juunip 19-at 2008 09:44

Savaatillit julip sisamaani Narsami ataatsimeersualerpata toqoraaveqarneq pillugu isummernissaq oqaluuserisassanut ilaavoq.

Savanik toqoraavik Neqi A/S 4 millioni koruuninik aningaasaliiffigineqanngippat matuneqariaannaasoq pillugu Neqip siulersuisuisa sioorasaarinerat savaatillit toqoraaveqarneq pillugu isummertariaqalernerannik kinguneqarpoq.

Neqi A/S 4 miliuunit koruuninik aningaasaliiffigineqarluni ingerlaqqissappat savaatillit ingerlatsinermi aalajangeeqataasinnaanerat neriuutigineqartoq SPS-ip siulittaasuata Niels Lundip ilanngullugu oqaatigaa.

2001-mi savaatillit piginneqataaffigisaanik toqoraaveeqqanik arlalinnik pilersitsisinnaanerit misissuiffigineqarput.

- 2001-imi isumaqatigiissuteqarsimanngitsuugutta

piginneqatigiillu toqoraaveeqqanik pilersitsinissaq piviusunngortissimassagaluarparput, periarfissami arlaqarput, Niels Lund oqarpoq.