Savaatillit Peqatigiit Suleqatigiissut ataatsimeersuarneria naammassivoq
Savaatillit Peqatigiit Suleqatigiissut, SPS-ip ukiumoortumik ataatsimeersuarnerat, Qaqortumi Puilasumi ippassaq naammassineqarpoq.
Savaateqarfiit ilaasa avammut attaveqarsinnaannginnerat, ukiorpaalunngortuni iluarsiivigineqarusussimasoq, ukiamut iluarsiissutissanik saqqummiissutigineqassasoq, Ineqarnermut Attaveqaateqarnermullu Naalakkersuisup, Kim Kielsenip neriorsuutigaa.
Savaateqarfiit 50-it missaanniittut pingajorarterutaat avammut attaveqarsinnaanngitsut naatsorsuutigineqarpoq.
Savaaqqat savallu neqaasa akii, Neqi A/S-imut sisamanngormat isumaqatiginninniutigineqarsimasut, tunisinermi 3 procentimik qaffaavigineqassasut ilaatigut aamma nalunaarutigineqarpoq.
Siulersuisussanik qinersinermi ilaasortat pingasut ingerlaqqipput, tassaasut Niels Lund, Makka Nielsen aamma Otto Nielsen. Nutaatut qinigaapput, Jørgen Lund aamma Ottooraq Frederikseen. Siulersuisut ukiuni marlunni atassapput.
