Savaatillit naatsiaataat Pilersuisumit pisiarineqarniarput
KNI A/S Pilersuisoq savaatilinni naatitanik ukioq manna kingumut naatsiiarseqqissaaq.
- Ukioq manna naatsorsuutigaarput 100 ton-it missaanni pisiarissallutigit, Pilersuisumi nunap immikkoortuani pisortaq Lars Cortzen oqarpoq.
Naatsiiarsinissamut isumaqatigiissut Naatsitsisartut Peqatigiiffianik isumaqatigiissuteqarnikkut anguneqarsimavoq, taanna Savaatillit Peqatigiit Suleqatigiissut ataani inissisimavoq.
- Savaatillit naatsiianik Pilersuisumut tunisisartut ukiut tamaasa amerlassusaat allanngorarput, tassalu savaatillit arfinillit 63 tons-it missannik Pilersuisumutsiorna tunisisimapput, taama oqarpoq savaatilinnut siunnersorti Peter Hammeken, Qaqortumiit.
Siorna aggustimi avannerujussuarnera pissutaalluni naatsiat taama ikitsigisut tunineqarsimapput, ukiup siuliani 2004–mi 93 ton-it missaat, Pilersuisup nunatsinni sinerissami pisiniarfiutiminut nassiussorsimavai.