Savaatillit ilaasortaatitaqaleriaannaasut

Savaatillit Suleqatigiissut KNI A/S-ip siulersuisuini ilaasortaatitaqalernissaat Neqi A/S–milluunniit piginneqataalernissaat KNI-p ingerlatsisuinit neriuutigineqartoq, KNI A/S –p pisortaanera Gerhardt Petersen oqarpoq.

-Kisianni taama allanngortitserisoqassappat. KNI-p siulersuisuisa aappaagu ataatsimeersuarnermi aaliangeqqaassavaat, Gerhardt Petersen oqarpoq.

Neqi A/S ullumikkut KNI –mit pigilerneqarsimasumit Nuka A/S –mit pigineqarpoq.

Gerhardt Petersen ilisimatitsivoq, KNI-p aqutsisuisa siunnersuutigilersaaraat, nutaamik aaqqissuussinikkut KNI –p Neqi A/S pigilissagaa. Aappaagu ataatsimeersuarnermi tamanna akuersaarneqarpat, Savaatillit Suleqatigiissut Neqi-p siulersuisuini ilaasortaatitaqalinngikkunik piginneqataanissamut periarfissalissapput.