Savaatilik taarsiiffigineqarpoq

Gigteqarneq innarluutigilikkatut akuerineqarpoq, taassissuteqarnerlu siulleq pivoq.
Allattoq Najaaraq Egede
aggustip 31-at 2007 17:04

Nunatsinni siullerpaamik siffissakkut gigteqarneq innarluutigilikkatut akuerineqarpoq taarsiissutigineqarlunilu.

Qularnanngilaq inuussutissarsiutigisamit pissuteqartumik nappaatinik ukiuni aggersuni allanik nutaanik aamma nalaattaqartoqartarumaartoq.

Nutaamik peqqussuteqalerneratigut nappaatit amerlanerit inuussutissarsiutigisamit pissuteqartumik nappaatigineqartartut akuerineqartartut amerliartorput.

Matumani savaatilik pineqartoq peqatigiilluni sillimmasiinermik aaqqissuussinermut ilaavoq, taamaalillunilu taarsiissutisisinnaalluni.

Peqatigiilluni sillimmasiisarneq aalisartunut, piniartunut aamma savaatilinnut inatsisit malillugit peqqussutaavoq, amerlavallaartulli sillimmasiinermut akiliinissartik puigortarpaat. Tamanna ajornartorsiutaavoq, tassami sillimmasersimanngikkaanni napparsimalernermi taarsiissutisisoqarsinnaanngimmat.

Sulitilluni ajoqusersinnaanermut sillimmasiisarneq pillugu Ataatsimiititaliaq nappaatinik inuussutissarnermit pissuteqartunik ikittuinnarnik tigusaqartarpoq.

Sulisartoqarnermut aamma inuussutissarsiutitaarniarluni ilinniarfinnut pisortaqarfiup kajumissaarutigaa, sulinerup kinguneranik nappaatigineqalersunik amerlanerusut nalunaaruteqartaqqullugit.

Savaatilik 68-inik ukiulik taamaaliorallartilluni 100.000 koruuningajannik taarsiiffigitippoq.