Savaaqqat niaqui bakteriaqarmata uterteqquneqarput

Savaaqqat niaqui Pisiffimmit, Pilersuisumit Brugsenimillu tuniniarneqartut piaartumik peerneqarnissaat NuKa-mit piumasarineqarpoq, savaaqqat niaqui siornarnisat listeria-bakteeriallit paasineqarmat. NuKa-mit tuniniaanermut pisortaq Robert Møller nassuiaavoq, Sisimiuni savaaqqap niaqui naarluutigineqarsimagunartut sapaatip-akunneri pingasut matuma siornagut paasineqarmat, Maniitsumi Aalisakkanik Tunisassiornermik Ilinniarfimmi misissuinerit aallartinneqartut.

Misissuinerit inerneri Nuka-p ullumi tiguai, taamaalimmallu NuKa aalajangerpoq, savaaqqat niaqui pisiniarfinni tuniniarneqartut tamaasa peerneqarnissaat NuKa-mullu utertinneqarnissaat kiisalu inuit qerititsivimmiittuutillit pisiniarfinnut utertitsinissaat kaammattuutigineqassasoq.

Savaaqqalli niaquinnai matumani pineqarput, taakku kisimik bakterianik nassaarfigineqarsimammata.

Listerie-bakterialinnik nerisimasut nalunaaquttap akunneri sisamat arfinillillu qaangiukkaangata naarlulersarput merialersarlutillu. NuKa-milli erseqqissaatigineqarpoq, savaaqqap niaqui uulluarneqangaangata ernumanartoqanngitsoq, qalatitsinikkut baskteriat toqusarmata. Nalunartulli pillugit savaaqqat niaqui uterteqquneqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat