Saudi-Arabiami arnat biilersinnaanngortut
- Kunngikkormiut peqqussutaat pissutaalluni angallannermut inatsit allannguuteqassaaq, ingerlatsisinnaanermut allagartanik angutinut arnanullu tunniussisinnaanermut inatsisit taakkununnga ilaallutik,
nutaarsiassaqartitsivik Saudi Press Agency nutaarsiassaqartitsiviillu allat taama ilaatigut allapput.
Saudi-Arabia nunani tamalaanni marlunngorneq ilanngullugu maannamut kisiartaagaluarpoq arnanik biileqqusitsinngitsumik.
Arnat nunami tassani biileqqusaannginnerat ukiuni kingullerni arfinilinni akerliuffigineqarsimaqaaq, inatsisillu allanngortinneqarnissaat piumasarineqarsimalluni.
Arnat inatsisinik unioqqutitsillutik biilinik ingerlatsisut akiliisussanngortinneqanngikkunik parnaarussassanngortinneqartarsimapput, inuttullu pisinnaatitaaffiit pillugit suliniaqatigiiffiit tamanna isornartorsiorsimavaat.